चौतारा साँगाचोकगढीको जंगलछापमा पहिरो जाँदा २ घर पुरियो थप १२ घर जोखिममा

लगातार बर्षाका कारण सिन्धुपाल्चोकको चौतारा साँगाचोकगढी-१३ को जंगलछापमा गएराती अन्दाजी २ बजेको समयमा पहिरो जाँदा दुई घर पुरिनुका साथै एउटा सवारी साधनमा क्षति पुगेको छ ।

उक्त पहिरोका कारण स्थानीय रोशन श्रेष्ठको घर र अर्का एक घरमा पुर्ण क्षती भएको छ । त्यसैगरी स्थानीयले पिउने पानीको रुपमा प्रयोग गरिरहेका ढुङ्गे धारालाई समेत पुर्ण क्षति गराएको छ भने त्यहाँ रहेका मन्दिरमा समेत क्षती पुर्‍याएका छन् । उक्त पुरिएका दुई घरका मानिस काठमाडौ मा रहेका कारण मानवीय क्षति भने नभएको स्थानिय हरि श्रेष्ठले बताउनु भयो ।

पहिरोका कारण स्थानीय पदम बहादुर श्रेष्ठ र देवराज श्रेष्ठको घर अति जोखिममा परेका छन् भने अरु थप १० घर समेत जोखिममा रहेका छन् । रिपोर्टिङ : नारायण बहादुर श्रेष्ठ, मुडे सिन्धुपाल्चोक