गठबन्धन भएपनि एकले अर्कालाई सहमतिमा छोड्न नसकिने क्षेत्र हो सिन्धुपाल्चोक-१
गठबन्धन भएपनी नेपाली कांग्रेस र माओवादी केन्द्रका दुई उम्मेदवारमा एकले अर्कालाई सहमतिमा छोड्नै नसकिने क्षेत्र हो सिन्धुपाल्चोक क्षेत्र नम्बर एक ।
गत २०७४ को निर्वाचनमा कांग्रेसका नेता मोहन बहादुर बस्नेतलाई सभामुख अग्नी सापकोटाले १० हजार मतान्तरले हराएका थिए । आफुले जितेका क्षेत्र भएका कारण सभामुख सापकोटाले गठबन्धनको तर्फबाट आफैं उठ्न चाहेका छन् भने विभिन्न आधार देखाएर बस्नेतले पूर्व विजयी सापकोटालाई पनि छोड्ने पक्षमा देखिएका छैनन् ।
कांग्रेस केन्द्रीय समितिको बैठकमा पनि नेता बस्नेतले आफुले कुनैपनी हालतमा टिकट पाउनै पर्ने बताईसकेका छन् । अघिल्लो निर्वाचनमा एमाले माओवादी वाम गठबन्धन भएपछि सापकोटाले ४० हजार ५ सय ४ मत प्राप्त गरि विजयी प्राप्त गरेका थिए भने पराजित भएका बस्नेतको पक्षमा पनि ठुला दलसँगको गठबन्धन बिना नै २९ हजार ७ सय ९८ मत प्राप्त भएको थियो ।
क्षेत्र नम्बर १ को ५३ वडामध्ये काग्रेस ३२, एमाले १६ र माओवादी केन्द्रले ५ वटा वडा जितेका छन् । वडाध्यक्षले पाएको मत हेर्दा कांग्रेसको ३४ हजार ७६१, एमालेको २७ हजार ८०३ र माओवादी केन्द्रको १८ हजार ८५२ मत छ । त्यस्तै राप्रपाको २ हजार र नेकपा एसको १६५० मत छ ।
यी नै विविध कारणहरुले गर्दा गठबन्धन नगरेर एक्लाएक्लै चुनाब लड्ने हो भने चुनाब जित्नका लागि मोहन बहादुर बस्नेत लाई भन्दा अग्नि सापकोटालाई चुनाब जित्न गाह्रो पर्ने देखिन्छ । त्यसैले सिन्धुपाल्चोक क्षेत्र नं १ मा सहमतिमा एकले अर्कोलाई छोड्न नसकिने स्थिति देखिएको छ ।
यो पनि पढौं :
