नेकपा माओवादी केन्द्रको केन्द्रीय समितिमा २१ जनाको नाम सिफारिस (नामावली सहित)

नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले पार्टीकाे केन्द्रीय समितिका लागि २१ जना पदाधिकारीहरुको नाम प्रस्ताव राखेका छन् । जसमा महासचिवमा देव गुरुङको नाम सहित वरिष्ठ उपाध्यक्षमा नारायणकाजी श्रेष्ठ र कृष्णबहादुर महरा प्रस्ताव भएका छन् ।

पार्टी कार्यालय पेरिसडाँडामा आज शनिबार बसिरहेको स्थायी कमिटी बैठकमा दाहालले पदाधिकारीहरुको नाम प्रस्ताव गरेका हुन् ।

त्यस्तै उपमहासचिवमा गरिराजमणी पोखरेल, वर्षमान पुन, हरिबोल गजुरेल, पम्फा भुसाल, जनार्दन शर्मा, मातृका यादव र शक्ति बस्नेत प्रस्ताव भएका छन् ।

सचिवहरुमा दिनानाथ शर्मा, चक्रपाणी खनाल, देवेन्द्र पौडेल, लिलामणी पोखेरेल, गणेश साह, हितमान शाक्य, हित राज पाण्डे, डिलाराम शर्मा र राम कार्की छन् भने कोषाध्यक्षमा श्रीराम ढकाल प्रस्ताव भएका छन् ।