त्रिपुरासुन्दरी-४ मा पहिरोमा परी एकजनाको मृत्यु

सिन्धुपाल्चोक : त्रिपुरासुन्दरी गाउँपालिका वडा नम्बर ४ बुसुन्डोल खोलामा आज पहिरोमा परी १७ बर्षिय अमित थामीको घटना स्थलमा नै मृत्यु भएको छ।

उनी हिजो तीज मनाउन मामाघर मुलाबारी गएका थिए। आज दिउँसो आमा र बहिनीसहित आफ्नो घर पिस्कर माझटोल फर्कने क्रममा स्थानीय मंगलामाई माबिमा कक्षा ११ मा अध्ययनरत अमित आमा र बहिनि भन्दा अघिअघि हिडिरहेका बेला एक्कासि ठाडो खोलाको पहिरोले छोपेको थियो।

त्यो खोलामा पुल नहुँदा यसअघि पनि केही स्थानीयलाई खोलाले बगाएर ज्यान लिएको स्थानीयहरु बताउँछन्‌ । मुलावारीबाट पिस्करमा अध्ययन गर्न आउने विद्यार्थी र स्थानीयलाई खेतीपाती गर्न आवतजावत गर्ने उक्त खोला र खसिरहेको पहिरोले जोखिम बनाइरहेका छन् ।