लिसंखुपाखर-५मा जनताको साथमा कांग्रेस कार्यक्रम सम्पन्न, मोहन बस्नेतले नै टिकट पाउनुपर्ने माग
सिन्धुपाल्चोक : लिसंखुपाखर ५ शिल्ढुङ्गामा आज नेपाली कांग्रेस वडा इकाई समितिले आयोजना गरेको ´जनताको साथमा कांग्रेस` अन्तरक्रिया कार्यक्रम सम्पन्न भएको छ ।
इकाई सभापति इराज लामा (आईराज) को सभापतित्व र नेपाली कांग्रेस सिन्धुपाल्चोक जिल्ला सदस्य निमा तेन्जेन लामाको प्रमुख आतिथ्यमा पार्टिमा सक्रिय विभिन्न कार्यकर्ता तथा जनताको उपस्थितिमा सो कार्यक्रम सम्पन्न भएको हो ।
कांग्रेस प्रती जनताको राय कस्तो रहेको छ भन्ने अन्तरक्रिया कार्यक्रममा सिन्धुपाल्चोकमा भुकम्प, बाढिपहिरो, कोरोना महामारी लगायत जनताको दुखमा नेपाली कांग्रेसका केन्द्रिय सदस्य मोहन बहादुर बस्नेतले जत्तिको दुख कसैले नगरेको निष्कर्ष निकाल्दै सिन्धुपाल्चोक १ मा मोहन बहादुर बस्नेतले नै टिकट पाउनुपर्ने र जनताले पनि भारी मतले जिताउनु पर्ने सबैले बताए ।
धेरै जसोले सिन्धुपाल्चोक क्षेत्र नम्बर १ मा गठवन्धन गर्नु नपर्ने र गरिहालेमा प्रतिनिधि सभा निर्वाचनको लागि उम्मेदवारको टिकट पुर्व मन्त्री मोहन बहादुर बस्नेतले नै पाउनु पर्ने राय व्यक्त गरेका छन् । यसो नभएको अवस्थामा पार्टिलाई ठूलो नोक्सान हुने सम्भावना पनि त्यतिकै रहेको निष्कर्ष निकालेका छन् ।
गत २०७४ सालको प्रतिनिधि सभा चुनाव र बैशाख ३० को स्थानीय चुनावमा भएका कमि कमजोरी हरुको एक एक समिक्षा गर्दै आउँदै गरेको प्रतिनिधि सभा र प्रदेश सभाको निर्वाचनमा कांग्रेस जिताउनका लागि सबैले आ-आफ्नो ठाउँबाट जिम्मेवारी बहन गर्न सभापति लामाले अनुरोध गरेका छन् । साथै स्थानीय चुनावमा पार्टी भित्रकै व्यक्ति बाट अन्तर्घात भएपनी सो कुरालाई त्यहीँ थाती राखेर आगामी चुनाबमा सबैलाई समेटेर अगाडी बढ्न र एकले अर्कालाई दोषारोपण गर्ने कार्य आजै बाट त्यागेर सबै एकजुट भै अगाडि बढ्नका लागि पनि सुझाएका छन् । सिन्धुपाल्चोकमा गठवन्धन गर्न आवश्यक नरहेको कुरा पनि सभापति लामाले प्रष्ट्याएका छन् ।
प्रतिनिधि सभा उम्मेदवारको टिकट पुर्व मन्त्री मोहन बहादुर बस्नेतले नै पाउने जिकिर गर्दै एनि हाउ पार्टी जिताउ अभियानमा लाग्न प्रमुख अतिथी निमा तेन्जेन लामाले पनि अनुरोध गरेका छन् । गएको स्थानीय चुनाबमा लिसंखुपाखर ७ मा भएको अन्तर्घात को उदाहरण दिदैं लिसंखुपाखर ५ मा पनि अन्तर्घात हुन सक्ने कुरालाई समयमै नजरअन्दाज गर्न र पार्टी एकत्रित बनाउन पनि इकाई समितिलाई सुझाब दिएका छन् ।
भाइ फुटे गँवार लुटे भन्ने उखान स्थानीय चुनाबमा प्रष्ट भएको उदाहरण दिदै पार्टी भित्र कसैले कसैको कुरा काट्ने परिपाटी त्याग्न र सबै एकजुट हुन पुर्व सभापति गंगा बहादुर श्रेष्ठले अनुरोध गरेका छन् ।
पार्टी भित्र रहेका केही कार्यकर्ताहरु पार्टीकै विरुद्धमा लाग्ने गरेका र त्यस्ता कार्यकर्ताहरुलाई कित सम्झाई बुझाई गरेर सुधार्ने कि त पार्टिबाट तुरुन्तै निष्कासन गर्नुपर्ने नेपाली कांग्रेस लिसंखुपाखर गाउँपालिका सचिब मिङ लामाले बताए ।
यो पनि पढौं :
