लिसंखुपाखरको मुडे र शिल्ढुङ्गामा लामो समयपछि बजार अनुगमन

लिसङ्खु पाखर गाँउपालीका को मुढे र सिलढुङ्गा बजारमा लामो समयपछि आज जिल्ला प्रशासन कार्यालयद्वारा मंगलबार बजार अनुगमन गरिएको छ ।

ठुला चाडपर्व लाई लक्षित गरि उपभोक्ता हित तथा खाद्यान्न शुद्धताको लागि बिगत डेढ बर्ष देखि अनुगमन नभएको लिसंङ्खु पाखर गाँउपालीका वडा नम्बर ५ को मुढे र सिलढुङ्गा बजार अनुगमन गरिएको हो ।

जिल्ला प्रशासन कार्यालय सिन्धुपाल्चोकका सहायक प्रमुख जिल्ला अधिकारी निराजन श्रेष्ठ, जिल्ला प्रशासन कार्यालयका नायब सुब्बा रामजी थापा, प्रहरी चौकी मुढे का प्रहरी सहायक निरिक्षक धन बहादुर कार्कि, रेडियो जुगलको स्टेसन म्यानेजर सुनिता लामा, जिल्ला घरेलु उद्योगका प्रतिनिधि हरि बिक, उद्योग बाणिज्य संघका प्रतिनिधि विदुर खड्का, लिसङ्खु पाखर गाँउपालीका वडा नम्बर ५ जेठल स्वास्थ चौकिका सिनियर अहेब राजेश भुजेलको टोलीले बजार अनुगमन गरेको थियो ।

अनुगमन को क्रममा वडा भित्र का अधिकांश पसल मुल्यसुची विहिन तथा दर्ता बिना नै संचालन भएको पाईएको छ । एस एस आर खाद्य स्टोर मुडे, रिना किराना स्टोर र बिमल किराना पसल सिलढुङ्गा बाट म्याद गुज्रिएको खाद्यान्न सामान तथा मरमसला हरु बरामद गरिएको छ ।

अनुगमन टोलि ले अनुगमन को क्रममा पसलको क्षमता भन्दा बढि र पसलमा दर्ता भएको भन्दा बाहिरी सामाग्री अव्यवस्थित राखिएकोले तत्काल पसलको मापदण्ड अनुसार व्यवसायीले पसल दर्ता गरि पसलमा सामान राख्न निर्देशन दिएको छ । दर्ता बिना पसल संचालन गर्दा कर छलि हुने तथा जिल्लाको राजस्व संकलन मा नकारात्मक असर पर्ने, समय सिमा नाघेका अखाद्य बस्तु बिक्री बितरण गर्दा उपभोक्ताको स्वास्थ्य मा गम्भीर असर पर्ने कारण व्यवसायीले फाईदा मात्रै हेरेर व्यवसाय संचालन गर्नु नहुने सहायक प्रमुख जिल्ला अधिकारी निराजन श्रेष्ठले बताउनु भयो ।

श्रेष्ठले बजार अनुगमन पश्चात् व्यवसायीलाई शिघ्र पसल दर्ता गर्न, मुल्य शुचि देखिने गरि राख्न तथा म्याद गुज्रेका सामाग्री हरु तत्काल हटाउन अनुरोध गर्नु भएको छ । वडाका व्यवसायीहरुले पनि आगामी दिनमा पसल दर्ता गर्ने , मुल्य शुचि राख्ने र उपभोक्ता को स्वास्थ्य मा जिम्मेवार रहेर खाद्य सामाग्री व्यवस्थित राख्ने प्रतिबद्धता पत्रमा हस्ताक्षर गरेका छन् ।