सिन्धुपाल्चोक १ र २ मा एमालेले टुंग्यायो उम्मेदवार, सरेश नेपाल र शेरबहादुर तमाङले पाए टिकट

२१ असोज, सिन्धुपाल्चोक । नेकपा एमालेले प्रतिनिधि सभातर्फ सिन्धुपाल्चोक क्षेत्र १ मा सरेश नेपाललाई टिकट दिएको छ। नेपाल वाग्मती प्रदेश सभा सदस्यसमेत हुन्। क्षेत्र नं २ मा शेरबहादुर तामाङले टिकट पाएका छन्। उनी एमाले स्थायी कमिटी सदस्य तथा पुर्व कानुन मन्त्री पनि हुन्।

क्षेत्र नं १ को प्रदेश तर्फ क मा कमल नेपाल ले टिकट पाएका छन्। नेपाल सिन्धुपाल्चोक एमालेका जिल्ला अध्यक्ष हुन्। उनी २०७४ सालको स्थानीय निर्वाचन मा लिसङखुपाखर गाउँपालिका अध्यक्ष निर्वाचित भएका थिए।यसैगरी प्रदेशसभा ख मा होमनारायन श्रेष्ठले टिकट पाएका छन्। उनी गाउँपालिका राष्ट्रिय महासङघका अध्यक्ष हुन् भने गत स्थानीय तहको निर्वाचन मा जुगल गाउँपालिकाको अध्यक्षमा निर्वाचित भएका थिए।

यता क्षेत्र नम्बर २ मा टिकट पाएका शेर बहादुर तमाङ एमाले स्थायी कमिटी सदस्य हुन्। तामाङले यसअघि यसक्षेत्रबाट पशुपति शम्शेर राणालाई हराएका थिए। क्षेत्र २ कै प्रदेश क मा भने माओवादी छोडेर एमाले प्रवेश गरेका अमानसिङ तामाङले टिकट पाएका छन्। तामाङ गत २०७४ मा स्थानीय तहको निर्वाचनमा माओवादी पार्टीबाट चौतारा साँगाचोक गढी नगरपालिकाको प्रमुखमा निर्वाचित भएका थिए। प्रदेश सभा ख मा भने एमालेकै पूर्वजिल्ला अध्यक्ष हस्त पण्डितले टिकट पाएका छन्।