बाथरुममा लडेर नेकपा एमाले पोलिटब्युरो सदस्य बालकृष्ण ढुंगेलको निधन
नेकपा एमालेका पोलिटब्युरो सदस्य बालकृष्ण ढुंगेलको बाथरुममा लडेर निधन भएको छ।
ढुंगेलको आज काठमाडौँ गोठाटारस्थित आफ्नै निवासको बाथरुममा लडेर निधन भएको हो।
परिवारका सदस्य बर्दिबास गएकाले ढुंगेल घरमा एक्लै थिए। अहिले एमाले ओखलढुंगाका नेता कार्यकर्ता र पारिवारिक सदस्यहरू उनको निवासमा भेला भएका छन्।
नेकपा एमाले र नेकपा माओवादी केन्द्र एकीकरण भएर बनेको तत्कालिन नेकपा विभाजित भएपछि ढुंगेल एमालेमै बसेका थिए।
ढुंगेल पहिलो संविधानसभा निर्वाचनमा माओवादी केन्द्र ओखलढुंगा क्षेत्र नम्बर २ बाट सभासद् भएका थिए।
सशस्त्र द्वन्द्वका क्रममा भएको उज्जन श्रेष्ठको हत्या आरोपमा ज्यान मुद्दामा दोषी ठहर भएका थिए । उक्त अभियोगमा उनी दुई पटक गरी करिब ७ वर्ष जेल बसेका थिए।
कर्तव्य ज्यान मुद्दामा जेलसजाय भोगिरहेका नेकपा सरकारका बेला नेता बालकृष्ण ढुंगेललाई बाँकी कैद मिनाहा गर्न सिफारिस गरिएको थियो। डिल्लीबजार कारागारमा जेल सजाय भोगिरहेका उनलाई गणतन्त्र दिवसका अवसरमा कैद मिनाहा गर्न कारागार व्यवस्थापन विभागले गृह मन्त्रालयसमक्ष सिफारिस गरेको थियो।
यो पनि पढौं :
