दशैं सकिए लगत्तै काठमाडौ फर्किनेको लर्को ; मुडे बजार (फोटो फिचर)

दशैं सकिए लगत्तै सिन्धुपाल्चोकको मुडे हुँदै काठमाडौ फर्किनेहरुको हिजोआज लर्को नै लागेको छ ।

टीका सकिएको भोलिपल्ट देखि नै दोलखा तथा रामेछापका यात्रुहरुले खचाखच भरिएको यात्रु बसहरु, स-साना गाडीहरु र मोटरसाइकलले बेला बेलामा मुडे बजार नै जाम पनि हुने गरेका छन् ।

दशैं सकिएपछी लगभग पुर्णिमाको दिनसम्म यस्तै भिडभाड हुने मुडे बजारका स्थानिय व्यापारी हरु बताउँछन् । अहिले अरनिको यातायात र रोल्वालिङ यातायात भन्दा बाहेकका अन्य बस हरुले पनि यात्रु बोकेर हिड्ने गरेका छन् ।

तर दशैं अघिको अवस्था हेर्दा विगतको तुलनामा यो वर्ष धेरै मानिसहरु नहिंडेको पनि यहाँका स्थानीय व्यापारीहरु बताउँछन् । विगतका दशैंहरुमा दिउँसो मात्रै नभएर राती पनि नसुतिकन व्यापार गरेको अनुभव सुनाउँदै कोरोना महामारी पछि व्यापारमा धेरै गिरावट आएको बताउँछन् ।

पहिलाका बर्षहरुमा जस्तो यात्रुले खचाखच भरिएको सवारी भन्दा पनि सिट भरी मात्रै यात्रु राखेर हिड्ने सवारीको लर्को चाहिँ अहिले धेरै रहेको छ ।