मनकामना दर्शनका लागि जाँदै गरेको बस नवलपरासी पूर्वको बुलिङटारमा दुर्घटना हुँदा ५ जनाको मृत्यु

नवलपरासी कार्तिक १३ गते : पाल्पाको रम्भा गाउँपालिका–१, हुँगीबाट गोरखाको मनकामना दर्शनका लागि जाँदै गरेको बस नवलपरासी पूर्वको बुलिङटारमा दुर्घटना हुँदा ५ जनाको मृत्यु भएको छ । बुलिङटार–२, मथारमा भएको दुर्घटनामा २८ जना घाइते भएको इलाका प्रहरी कार्यालय डेढ गाउँले जनाएको छ।

पाल्पाको रम्भा गाउँपालिका–१, हुँगीबाट गोरखाको मनकामना दर्शनका लागि जाँदै गरेको बस नवलपरासी पूर्वको बुलिङटारमा दुर्घटना हुँदा ५ जनाको मृत्यु भएको छ । बुलिङटार–२, मथारमा भएको दुर्घटनामा २८ जना घाइते भएको इलाका प्रहरी कार्यालय डेढ गाउँले जनाएको छ।

दुर्घटनाका घाइतेलाई नारायणी सामुदायिक अस्पताल भरतपुर चितवन पठाइएको छ । रामपुर यातायात प्रालिका दुई वटा बस मनकामना दर्शनका लागि शनिबार बेलुकी हुँगीबाट रिजर्भमा गएका थिए । त्यसमध्ये पछाडि गुडेको बस दुर्घटनामा परेको थियो ।

घटनास्थलनमा रहेका रामपुरका स्थानीय पत्रकार प्रकाश ज्ञवालीका अनुसार आइतबार बिहान ३ बजेको समयमा कालीगण्डकी करिडोर अन्तर्गत सडकमा बस दुर्घटनामा परेको हो । हुँगीबाट राति ९ बजे मनकामना दर्शनका लागि हिँडेका थिए ।

रम्भा गाउँपालिकाको हुँगीस्थित च्याङलिङ, नौगाउँ, बिसौना, गैरी र साठी क्षेत्रबाट मनकामना दर्शनका लागि जाँदै गरेको अवस्थामा दुईमध्ये एउटा बस दुर्घटनामा परेको स्थानीय घाइते ओमबहादुर विकले जानकारी दिए ।