सिन्धुपाल्चोकको विपदमा म सधैं अगाडि: मोहन बस्नेत
सिन्धुपाल्चोक कार्तिक १५ गते : चाहे महाभूकम्प होस् वा बाढीपहिरोमा वा चाहे कोरोनाको बेला सबैभन्दा पहिले म आफैं पुगेर सबैखालको उद्धार गर्ने र काम गर्ने पहिलो व्यक्ति म हुँ। यो सबैलाई थाहा छ। कोभिडका बेलामा हामीले निजी क्षेत्रबाट अक्सिजन प्लान्ट नै चलाएका थियौं। सरकारले देशभर अक्सिजन सिलिण्डर दिन नसकेको बेला चीनबाट अक्सिजनको सिलिण्डर ल्याएर निःशुल्क बाँड्ने व्यक्ति पनि म हुँ। विभिन्न किसिमका बाढी पहिरोमा कोही जान नसकेको बेला हेलिकोप्टर लिएर उद्धार गर्ने व्यक्ति पनि म हुँ। कोरानामा सिन्धुपाल्चोकका १७ ठाउमा निःशुल्क स्वास्थ्य शिविर चलाएका थियौं। यहाँका सबै स्वास्थ्यकर्मीहरूलाई स्वास्थ्य सामग्री हस्तान्तरण तथा कोभिड बिमा गरेका थियौं।
बाढीपहिरो, भूकम्पलगायतका प्राकृतिक विपद्हरूको विषयमा अध्ययन गर्न बलेफी– ८ मा जुुरेमा अन्तर्राष्ट्रियस्तरको अध्ययन केन्द्र बनाउदैछौं। यो जिल्लामा भएका सबै समस्या र त्यसबाट उत्पन्न भएका परिस्थितिको बारेमा जानकारी गराउन एउटा पुस्तकालय बनाउन लागेको छौं। अध्ययन केन्द्रको काम सुरु भइसकेको छ। मैले नै शिलान्यास गरेको छु। यसैगरी मेलम्चीको खोलामा एउटा बेलिब्रिज बनाएको छु। मेलम्चीमा अर्को बेलिब्रिज यही जेठ मसान्तसम्म बनाउने प्रतिबद्धता गरेको छु। पोहरको बाढीले मेलम्चीमा ठाउँ ठाउँमा पुल भत्काएको थियो। बस्ती जोगाउन, नदी किटाण रोक्न हामीले अभियान नै सुरु गरेका छौं। जुरेमा पहिरो गएको बेला हामीले पहिरो पीडितलाइ नगद नै बाँडेका थियौं।
स्मरण रहोस् सिन्धुपाल्चोकमा सबैभन्दा बढी बिकास बजेट ल्याउन सक्ने नेता पनि मोहन बहादुर बस्नेतलाई नै मान्न सकिन्छ ।
यो पनि पढौं :
