सिन्धुपाल्चोक-१ को मतगणना, एमालेको अग्रता

सिन्धुपाल्चोक क्षेत्र नं एक प्रतिनिधि सभाको प्रत्यक्ष तथा समानुपातिकतर्फको मतगणना एकसाथ सुरु भएपछि गन्न थालिएको मतगणनामा क्षेत्र नं १ को प्रदेश सभा क अन्तर्गत भोटेकोसी गाउँपालिका १ बाट गणना शुरू गर्दा एमालेको अग्रता देखिएको छ ।

जिल्ला समन्वय समितिको भवनमा क्षेत्र नं १ को भोटेकोसी गाउँपालिका-१ देखी  मतगणना थालिएको हो । हालसम्म १०७५ मत गणना गर्दा एमालेको सरेश नेपालले ४७५ मत प्राप्त गरेका छन् भने माओवादी केन्द्रका माधव सापकोटाले ३८५ मत प्राप्त गरेका छन् ।

दलीय सहमतिअनुसार वडागत आधारमा मतगणना भइरहेको छ । वडाका सबै केन्द्रको मत एकै ठाउँमा मिसाएर गनिने मुख्य निर्वाचन अधिकृतको कार्यालयले जनाएको छ । हिजो ४ गते आइतबार सम्पन्न भएको मतदानमा क्षेत्र नम्बर १ मा ६९ हजार ५ सय ८८ मत खसेको थियो ।