सिन्धुपाल्चोक-२ को मतगणना, नेपाली कांग्रेसको अग्रता

चौतारा सिन्धुपाल्चोक : सिन्धुपाल्चोक क्षेत्र नं दुई प्रतिनिधि सभाको प्रत्यक्ष तथा समानुपातिकतर्फको मतगणना एकसाथ सुरु भएपछि गन्न थालिएको मतगणनामा क्षेत्र नं २ को इन्द्रावती गाउँपालिका ६ बाट गणना शुरू गर्दा नेपाली कांग्रेसको अग्रता देखिएको छ ।

चौतारा साँगाचोकगढी नगरपालिकाको भवनमा क्षेत्र नं २ इन्द्रावती-६ को  मतगणना थालिएको हो । हालसम्म १२०५ मत गणना गर्दा नेपाली कांग्रेसका मोहन बहादुर बस्नेतले ६११ मत प्राप्त गरेका छन् भने नेकपा एमालेका शेर बहादुर तमाङले ४३५ र  राप्रपाले ७८ मत प्राप्त गरेका छन् ।

दलीय सहमतिअनुसार वडागत आधारमा मतगणना भइरहेको छ । वडाका सबै केन्द्रको मत एकै ठाउँमा मिसाएर गनिने मुख्य निर्वाचन अधिकृतको कार्यालयले जनाएको छ । हिजो ४ गते आइतबार सम्पन्न भएको मतदानमा क्षेत्र नम्बर २ मा ७६ हजार ७ सय १६ मत खसेको थियो ।