आज राती बेल्जियम विरुद्ध पोर्चुगल, नेदरल्यान्ड्सविरुद्ध चेक गणतन्त्र भिड्दै

एजेन्सी । युरो कप २०२० मा आज राती दुई खेल हुदैछन् । पहिलो खेलमा नेदरल्यान्ड्सविरुद्ध चेक गणतन्त्र राती ९ः४५ मा र दोस्रो खेलमा बेल्जियम विरुद्ध पोर्चुगल मध्य राती १२ः४५ बजे मैदान उत्रनेछन् ।
दुई खेल मध्ये रोचक खेल भने पोर्चूगल र बेल्जियम बिचको खेल हुनेछ । दुवै टिम उपाधी दावेदार हुन् । युरो कप २०२० मा समुह चरणमा पोर्चूगलले निकै खुशीको क्षण र दुखको क्षण ब्यहोरेको छ । तर क्रिस्टियानो रोनाल्डो आफै गोलको लयमा खेखिएपछि पोर्चुगलको आत्माविश्वास पक्कै बढेको हुनुपर्नेछ ।
सोभियामा हुने यो खेलमा पोर्चुगलको प्रतिद्धन्द्धी फिफा वरीयताको विश्व नम्बर एक टिम हो । तय छ पोर्चुगल विरुद्ध बेल्जीयम ब्लकबस्टर खेल हो अन्तिम १६ को । अहिले तत्काल क्रिस्टियानो रोनाल्डो र बेल्जियमका रोमेलु लुकाकु गोल्डेन बुटको पछाडी छन् । रोनाल्डोले अहिले सम्म ५ गोल गरिसकेका छन् भने लुकाकुले ३ गोल गरेका छन् ।