इटहरीमा एका विहानै भयानक दुर्घट्ना, ३ जनाको मृत्यु

इटहरी, १३ असार । सुनसरी जिल्लाको कोशी गाउँपालिका वडा नं. ८ स्थित पूर्व–पश्चिम राजमार्गमा हायसले पिकअप र मोटरसाइकललाई ठक्कर दिँदा ३ जनाको मृत्यु र २ जना घाइते भएका छन् । आज बिहान पौने ८ बजे पूर्वबाट पश्चिमतर्फ जाँदै गरेको बा ३ ख ७२२४ नम्बरको हायस गाडीले बिपरित दिशाबाट आउँदै गरेको स६प ४६६१ नम्बरको मोटरसाइकल र को१च ९३६८ नम्बरको पिकअप गाडीलाई ठक्कर दिएको थियो ।

सो दुर्घटनाबाट गम्भीर घाइते भएका मोटरसाइकल चालक सप्तरी डाक्नेश्वरी–५ का २८ बर्षीय उदय साह, मोटरसाइकल पछाडि सवार बिराटनगर–९ का ४५ बर्षीय राम प्रसाद साह र पिकअप चालक बिराटनगर–७ का ४० बर्षीय अक्षयकुमार गुप्ताको जिल्ला अस्पताल इनरुवा उपचारको क्रममा मृत्यु भएको छ ।

दुर्घटनाबाट घाइते भएका हायस चालक नुवाकोट बिदुर नगरपालिका वडा नं. १३ का ३५ ३५ बर्षीय विवस तामाङ र हायसको सहचालक सोही स्थानको वडा नं. ११ का २५ बर्षीय नारायण बत्सयालको बिराट नर्सिङहोममा उपचार भइरहेको छ ।दुर्घटना भएका तिन वटै सवारी साधन प्रहरीको नियन्त्रणमा रहेको छ ।